KUELEKEA MAONESHO YA WAKULIMA, WAFUGAJI NA WAVUVI YA NANE NANE MKOANI MOROGORO, BANDA LA KINONDONI LAWA KIVUTIO

Tarehe iliyowekwa: August 2nd, 2018

Hayo yamedhihirika pale ambapo umati wa watu, wakiwemo viongozi wa vyama na Serikali wakimiminika kwa lengo la  kujionea na kujifunza utaalam wa ufugaji, uvuvi pamoja na kilimo cha faida kuelekea utekelezaji wa kauli mbiu ya mwaka huu isemayo "Wekeza katika kilimo, mifugo na uvuvi kwa ajili ya maendeleo ya viwanda

Uvutiaji wa banda hilo umetokana na bidhaa zilizomo ndani yake,aina ya kilimo na ufugaji unaozingatia ubora na faida, wakiwemo wataalam mbalimbali wenye kutoa elimu na maarifa ya jinsi ya kufikia malengo yanayotakiwa katika sekta hiyo ya kilimo na mifugo.

Kadhalika katika banda hili pia utakutatana na wataalam pamoja na wadau wenye utayari wa kutoa elimu kuhusiana na umuhimu wa matumizi ya mnyororo wa thamani katika matumizi ya pembejeo bora za Kilimo, mifugo na uvuvi.

Tembelea banda la Kinondoni uhabarike, uelimike kuhusiana na sekta hii muhimu, kuelekea uchumi wa kati wa viwanda ikiwa ni pamoja na kuunga mkono bidhaa za wajasiriamali waliowezeshwa kielimu, na kupatiwa utaalam  pamoja na mbinu mbalimbali za ujasiriamali ili waweze kujikwamua kiuchumi.

Imeandaliwa na

Kitengo cha Uhusiano na habari.

Manispaa ya Kinondoni.