KINONDONI YAITAMBULISHA RASMI TIMU YA KMC-FC KWA WANANCHI

Tarehe iliyowekwa: February 12th, 2018

 Hatimae timu ya mpira wa miguu ya KMC -FC yatambulishwa kwa wananchi kwa mara ya kwanza baada ya kuingia ligi kuu Tanzania bara kwa ushindi uliopatikana  kwa kuichapa JKT mlale bao moja bila. 

 Akiitambulisha timu hiyo katika sherehe zilizofanyika katika viwanja vya biafra Mstahiki Meya wa Manispaa hiyo Mh Benjamin Sitta amesema timu hii imepiga hatua kubwa inayohitaji pongezi na kuenziwa. 

 Ameongeza kuwa swala lililoko mbele sasa ni kuhakikisha kiwanja cha nyumbani kinapatikana kwa timu hii kuendelea kufanya mazoezi ili waweze kufanya vizuri katika michuano na timu nyingine. 

 Amebainisha kuwa lengo la Serikali ni kuhakikisha kunapatikana mfumo mzuri wa vijana kupatiwa maeneo ya kukuza vipaji  utakaowasaidia kufikia malengo yao. 

 Naye Mwenyekiti wa Timu Mh Suzan Massawe ambaye pia ni diwani wa Kata ya Mabwepande ameushukuru uongozi mzima wa Manispaa hiyo kwa kushirikiana bega kwa bega kuhakikisha timu inaibuka kidedea na kuingia ligi kuu Tanzania bara. 

 Utambulisho wa timu hiyo umeambatana na burudani mbalimbali kutoka kwa Clouds media group, na wasanii kama vile Madee na Roma mkatoliki. 

 Hii ni safari ya mafanikio ya timu ya KMC -FC,hivyo wananchi tujitokeze kuishangilia kila inapokuwa na mechi katika kuwatia moyo. 

 Imetolewa na
 Kitengo cha Uhusiano na Habari.
 Manispaa ya Kinondoni.