Kata ya Ndugumbi ilianza mwaka 2000 baada ya Kata ya Magomeni kugawanywa. Asili ya jina la Kata ya Ndugumbi ni kutokana na mzee maarufu aliyekuwa akiishi hapo ambaye yeye na ndugu yake walikuwa wanashirikiana na serikali kwa ukaribu kama wadau wa maendeleo katika utoaji wa maeneo ya ujenzi wa miundombinu mbalimbali ya kijamii ikiwemo shule, makanisa na misikiti. Mfano eneo lililojengwa shule ya sekondari Turiani lilitolewa na ndugu hao wawili kusaidia ujenzi wa shule hiyo.
IDADI YA MITAA KATIKA KATA:
Kata ya Ndugumbi inayo itaa minne (04) ambayo ni: -
Mtaa wa Mpakani,
Mtaa wa Mikoroshini
Mtaa wa Makanya
Mtaa wa Vigaeni.
HALI YA ELIMU KATIKA KATA:
Hali ya elimu katika Kata ni ya wastani, hasa elimu awali na msingi. Aidha kuna shule tatu (03) ambazo ni
Shule ya msingi Mwalimu Nyerere
Shule ya msingi Turiani
Shule ya msingi Ndugumbi
SHULE YA SEKONDARI ZA SERIKALI NA ZA BINAFSI:
Kata ya Ndugumbi inazo shule mbili (02) za sekondari za serikali na binafsi kama ifuatavyo: -
Shule ya sekondari Turiani - Serikali
Shule ya sekondari Baptist church - Binafsi
HALI YA AFYA:
Hali ya Afya katika Kata ya Ndugumbi ni ya kuridhisha kwani Kata ina Kituo cha Afya cha serikali pamoja Zahanati za serikali na binafsi.
KITUO CHA AFYA KILICHOPO KATA YA NDUGUMBI:
Kituo cha Afya kilichopo ni kimoja ambacho ni cha serikali kinaitwa Kituo cha Afya cha Magomeni.
ZAHANATI ILIYOPO KATA YA NDUGUMBI:
Kata ya Ndugumbi ina Zahanati moja ya binafsi inayojulikana kwa jina la Zahanati ya Subi.
HALI YA MIUNDOMBINU YA BARABARA:
Hali ya miundombinu ya barabara ni ya wastani, kukiwa na barabara kadhaa zinazoitaji marekebisho madogo, pamoja na kuwekewa mitaro mizuri pembezoni mwa barabara. Kkwa upande wa barabara za lami kuna takribani kilomita 10 barabara za kiwango cha lami katika kata ya Ndugumbi.
MAHUSIANO NA WADAU:
Hali ya Mahusiano na wadau katika Kata ni ya kuridhisha kwani hushirikiana pamoja katika kuleta maendeleo .
MIRADI YA KUJIVUNIA KATIKA KATA:
Kata inayo miradi inayojivunia kwayo ambayo hutekelezwa kama ifuatavyo:-
